Rait
La rait essan nus. Ella cuvra l'entir chantun.
Organisaziuns pon daventar commembras d'Ambient Grischun, il club dals tschient sustegna l'engaschament cun contribuziuns regularas e la rait vegn rinforzada cun cumpliz:as en l'entir chantun. Sche nus ans mettain ensemen, pudain nus profitar da forzas communablas. La vusch per la natira e l'ambient vegn pli dad aut, pli ferma e pli giaglia.
Commembradi
per organisaziuns
Uniuns, fundaziuns, collectivs u cuminanzas d'interess pon daventar commembras u commembers d'Ambient Grischun e rinforzar la vusch per la natira en il chantun.
Interess? Ans contactai e nus infurmain gugent Vus davart il commembradi.
Il punct central è ina buna rait e l'influenza politica da las organisaziuns da la protecziun da la natira e l'ambient multifaras e da lur commembras e commembers.
Club dals tschient
ina pitga impurtanta
Persunas privatas sustegnan Ambient Grischun cun ina contribuziun regulara dad almain 100.-/l'onn.
Contribuziuns regularas pussibiliteschan a nus ina tscherta segirezza da planisaziun e rinforzan la rait a lunga vista. Las contribuziuns valan sco donaziun ed ins po trair giu ellas da la taglia.
Igl è sa chapescha da tut temp pussaivel da chalar cun ils pajaments. Nus ans legrain dentant cunzunt, sch’il club crescha.
Uschè ferm sco l'entir chantun
preschent en tut las vischnancas
Nus duvrain cumplizas e cumplizis en tut las 101 vischnancas.
Cun acziuns pitschnas e pli grondas e Voss engaschament gidais Vus a far pli visiblas las campagnas e contribuis uschia a lur success. Nus tramettain regularmain material per tavlas communalas, locals d'uniuns, butias da bains purils e tavlas nairas. Nus infurmain davart acziuns, rimnain suttascripziuns u ans inscuntrain per acziuns da reparter flyers.
Tut è voluntari e sa drizza tenor Vossa disponibladad.
